Како дел од проектот Воведување на индикатори за мерење на дискриминација на локално ниво кој го започна Хелсиншкиот комитет за човекови права во ноември 2009 година, во Штип се одржа еднодневна работилница со наслов - Развивање на индикатори на буџетирање.

На работилницата присуствуваа претставници на локалната администрација, советниците во Советот на општината, членови на комисии меѓу кои и на Комисијата за еднакви можности, НВО, граѓани и други.

Основна цел на работилницата е да се утврдат механизми со кои ќе се подобри комуникацијата и транспарентноста во поглед на финансиските активности на локалната самоуправа, буџетирањето и реализирањето на средствата.

На работилницата беа отворени повеќе теми во насока на подобрување на работата на одделни служби во општината во функција на граѓаните.