Ученици од ОУ „Гоце Делчев“ денес ја посетија општина Штип. Станува збор за практична настава по предметот Запознавање на општеството во чии рамки се предвидени сознанија за локалната заедница, за работата на советот, градоначалникот и комисиите.

Околу 100-тина ученици денес во големата сала на општината разговараа со градоначалникот на Штип, д-р Зоран Алексов околу активностите на лоаклната самоуправа, околу неговата работа, како и обврските и задачите на администрацијата.

Учениците покажаа голем интерес за работата на општината и градоначалникот а поставуваа и многу прашања кои се однесуваа на неговата работа, потоа како се станува градоначалник, како се одржуваат седници на Советот, што се дискутира на нив и слично.

Првата посета пред извесен период ја имаа ученици од ОУ „Ванчо Прќе“, како дел од заложбите за практична настава бидејќи поинаку ја доживуваат општината и градоначалникот кога директно ќе разговараат и ќе допрат теми за кои подоцна учат од учебниците.