Со свежа трева и одлични услови за игра, штипска Брегалница 2008 во сабота го пречека Влазними Трим Лум. На домашен терен, штипските сини славеа со 5:1. Според ранг листата на ФФМ, Влазними Тrим Лум во моментов е на 10-тото место со 26 бодови.

Лидерот на табелата Шкендија славеше против Напредок со 4:1, додека второпласираниот Скопје на гости го порази домаќинот Дрита со 3:2.

По 22-то коло, Брегалница 2008 останува на трето место со 47 бодови а Скопје со бод повеќе (48) е на второ место. Шкендија убедлива на врвот со 54 бодови.

Според календарот на ФФМ, во петок 30-ти април, ФК брегалница 2008 и гостува Локомотива, второпласираниот Скопје оди на Влазними Трим Лум додека лидерот на табелата е на гости во Прилеп каде се среќава со екипата на 11-ти Октомври.