За време на викендот во Штип се одржа регионалниот натпревар по сообраќајно-техничка култира насловен Детски семафор. Сообраќајните знаења ги покажаа ученици од 7 градови и 14 училишта од целиот источен регион.

Средношколците се натпреваруваа во техничка култура на младите, додека основците покажаа колку ги знаат сообраќајните правила и прописи во писмена форма но и практично. Штип на регионалниот натпревар го претставуваа две училишта, едно основно и едно средно: ОУ „Ванчо Прќе“ и СОУ „Коле Нехтенин“, кои беа најдобри на општинскиот натпревар одржан на 30-ти април годинава.

Победниците од регионалниот натпревар се квалификуваат на државниот а потоа најдобрите ќе учествуваат и на меѓународниот натпревар.