Во сабота, 8-ми мај ФК Брегалница 2008 на домашен терен беше поразена од екипата на Напредок. По водството на Напредок од 2:0, штипјани успеаја да се консолидираат и да го израмнат резултатот. Но на самиот финиш, по досудениот пенал и исклучувањето на голманот на домашните, Напредок успеа да ја искористи шансата и да постигне гол со што финалниот скор беше 3 гола во мрежата на ФК Брегалница 2008.

Натпреварот помина во тензична атмосфера а досудениот пенал на истекот од второто полувреме фрли дамка на севкупниот натпревар.

Лидерот на табелата, ФК Скопје на домашен терен ја совлада екипата на Локомотива со 2:0 додека второпласиранат Шкендија останува на истата позиција по победата над Новаци 2005 со 5:0. Првопласираниот Скопје сега има 54 бодови, Шкендија има 51 додека Штипска Брегалница бод помалку односно 50.

Идното 25-то коло, ФК Брегалница 2008 има тежок натпревар во гости против екипата на 11-ти Октомври, додека лидерот на табелата Скопје му гостува на Напредок. Второпласираната Шкендија пак оди во Струмица каде ќе ги пречека Беласица.