Вчера се одржа 14-тата седница на Комисијата за спорт на која беа разгледани неколку точки. Членовите на Комисијата го прифатија барањето од Универзитетскиот Шаховскиот клуб "Гоце Делчев" - Штип за одредување на локација во која можат непречено да практикуваат шах. Во разговор со одговорните од ЈП Исар понудена е просторија кај градскиот пазар како привремено решение.

Прифатено е и барањето од МЗ "Караорман" за финансиски средства за организирање на традиционален турнир во мал фудбал по повод празникот "Св Кирил и Методиј" за што ќе добијат 6000 денари.

Во врска со третата точка од дневниот ред, барање од Боречкиот клуб "Балканец 2008" за финансиски средства за организирање на Меѓународен  турнир во борење слободен стил "Македонски бисер", комисијата одлучи да додели 300.000 денари.

Четвртата точка која се однесуваше на барањето на РК Текстилец за одобрување на средства за организирање на турнир донесена е одлука да се подржи со 15.000 денари.