Во  рамките на подготовките за имплементација на Проектот Е-дневник за основните и средни училишта во Општина Штип во СОУ „Коле Нехтенин“ СЕАВУС (друштво за информатичка технологија) одржа презентација на практичната примена на Проектот. На презентацијата присуствувале речиси сите директори на основните и средните школи во Штип.

Директорите изразија задоволство од презентацијата и Е-дневникот го сметаат за мошне корисна алатка во настваниот процес. Договорено е на крајот на јуни претставници на СЕАВУС да извршат уште една обука, овој пат за наставниците и професорите по што во две училишта (едно основно и едно средно) од септември годинава ќе започне тест-проект за воведување на Е-дневникот во процесот на оценување.

Друштвото СЕАВУС пред извесен период ги понуди своите софтверски решенија за имплементација на проектот. Ова беше прва практична презентација на можностите со кои директорите на средните и основните училишта се запознаа.