Боречкиот клуб Балканец од Штип го одбележа 50-годишниот јубилеј. По тој повод во големата сала на Општина Штип се одржа свеченост.
Јубилејот кој БК Балканец го одбележува се совпаѓа и со организрањето на меѓународниот турнир во борење Македонски бисер 2010.

Станува збор за мошне значаен јубилеј на еден од најголемите спортски клубови во Штип кој е добитник на многу награди и признанија на национално и интернационално ниво.

Боречката школа на БК Балканец е позната како расадник на талентирани борачи кои станаа дел од националниот дрес и на бројни натпревари од европски и светски ранг го оправдаа името на БК Балканец.

На свеченоста присуствуваат докажани имиња од боречкиот спорт кои со својата работа дале огромен придонес во развојот на борењето во Штип, но и на БК Балканец.