Жителите на село Селце добија нов бунар за вода за пиење. Со веќе постоечкиот и со новиот кој е денес беше пуштен во функција, проблемот со водата за пиење во ова село е решен.

Во изминатиот период, жителите на Селце имаа проблем околу обезбедување на континуирана вода за пиење но и за потребите на стоката која ја чуваат. За да се обезбедат доволно количини на вода беше извршено дупчење при што по природен пат се обезбедени околу 4 литри вода во секунда од новиот бунар. Длабочината на бунарот е околу 50 метри од кои само водениот столб е 38 метри. Со двата бунара околу 250 жители на Селце сега имаат околу 6 литри вода во секунда што е доволно за нивните потреби како и за чување на околу 1000 грла добиток.

Жителите на Селе ги посети градоначалникот на Штип, д-р Зоран Алексов кој изјави дека водата е основата за живот и дека без неа тешко може да се преживее, напоменувајќи дека со оваа инвестиција жителите на село Селце ќе немаат повеќе проблеми со водата за пиење.