Денес во малата сала на Општина Штип се одржа прес конференција во врска со отворањето на годинашново Штипско културно лето 2010. По повод 25-годишниот јубилеј беше претставена и брошурата за ШКЛ, за успесите кои оваа манифестација ги има во изминатите 25 години.

Автор на брошурата е Кирил Панајотов и во неа се забележани фотографии и интересни моменти од изминатите изданија на Штипско културно лето додека со свои прилози во брошурата се јавуваат некои од клучните лица кои придонеле ШКЛ да го достигне статусот на врвна културна манифестација на Штип.

Свои осврти на тема ШКЛ во брошурата имаат Горѓи Устапетров, Трајче Кацаров, Зоран Читкушев, Кирил Панајотов, Војо Маневски и други.

На прес конференцијата говореа Војо Маневски и Кирил Панајотов од координативното тело за организирање на 25-тото јубилејно издание на ШКЛ. Тие ги претставија активностите со кои ќе се означи официјалниот старт на ШКЛ иако перформансите почнаа уште на 22 јуни.

Брошурата денес беше претставена и пред пошироката макеоднска јавност при ТВ промоцијата во рамките на утринската програма на телевизија Алфа во Скопје.

ШКЛ се отвора вечер (2 јули) со почеток во 21 часот, со театарската претстава „Баханалии„ на Горан Стефановски, во режија на Наташа Поплавска а во изведба на народниот театар од Велес.