Во народниот театар во Штип беше одиграна театарската претстава „Не играј на Англичанец“ во изведна на НУЦК „Трајко Прокопиев“ од Куманово. Станува збор за претстава на Владимир Ѓурѓевиќ во режија на Кирил Петрески.

Штипската публика виде претстава која се случува во модерно време и ги следи настаните поврзани помеѓу тројца блиски другари. Сите ти се пасионирани вљубеници во обложувањето на фудбалски натпревари, а под превезот на исчекување на резултатите од еден натпревар на површина ќе избијат сите несогласувања кои тлееле во нив и помеѓу нив. Улогите ги толкуваа Димитрија Доксевски (Паун), Ивица Димитријевиќ (Буле) и Зоран Иваноски (Пикси).

Годинашново ШКЛ покажа дека кај штипјани владее голем интерес за театарските претстави заради што се бараше влезница повеќе.