На второто јавно отворање на понуди оваа работна недела се јавија десетмина понудувачи. Станува збор за тендерска постапка со цел избирање најповолна понуда за изградба на систем за водоснабдување со санитарна и техничка вода. Воедно со овој тендер е предвидена и изградба на фекална канализација за спортско-рекреативниот центар Суитлак во Штип.

Јавното отворање се одржа со почеток од 12 часот во просториите на Општината на 20 јули.

Инаку, конкретната набавка е деллива и тоа:

- дел 1:  изградба на систем за водоснабдување со санитарна и техничка вода и

- дел 2: изградба на фекална канализација.

Во тек е разгледување на најповолниот понудувач од страна на Комисијата за евалуација. За една седмица ќе биде познат исходот.