Новиот светски рекорд во готвење на грав стигна и до Америка. Во текот на вчерашниот ден поголем дел од странските медиуми (весници и телевизии) објавија свои видувања за настанот кој се случуваше во Сарчиево.

Вчера и најтиражниот американски дневен весник „Америка Денес“ (USA Today) објави информација за постигнувањето на новиот светски рекорд, а информацијата денес може да се прочита и на интернет изданието на весникот. Истата може да се пронајде и во вчерашното печатено издание на „УСА Тудеј„.

Насловот на веста е „Македонците го соборија рекордниот грав на Јужна Дакота“. Во него меѓу другото се наведува:

„Село во Македонија постави нов светски рекорд во варење на најголема количина на грав во котел, со што го надминаа претходниот рекорд поставен од студенти во Јужна Дакота. Портпаролот на Гинис, изјави дека 3.15 тони тешкиот грав е направен во неделата во селото Сарчиево на исток во Македонија.“

За гравот од Сарчиево пишуваат и други интернет сајтови, најчесто пренесувајќи ја веста. Свој поопширен текст за гравот од Сарчиево објави и англискиот весник „Морнинг стар„ (Morning star) како и веб сајтот www.balkans.com од страна на авторот Мајкл Робертс.

Ова се линковите до приказните за Гинисовиот грав од Македонија:

http://www.usatoday.com/news/offbeat/2010-08-08-macedonia-beans_N.htm

http://www.themorningstarr.co.uk/2010/08/09/macedonian-chef-sets-new-world-record-for-cooking-beans

http://balkans.com/open-ews.php?uniquenumber=66726