Сојузот на борците Штип денес организираше одбележување на 17-ти август – денот на загинувањето на народниот херој Славчо Стојменски.Согласно програмата, во 9:00 часот пред бистата на народниот херој во паркот спроти факултетот по Информатика беше одржана пригодна реч и рецитал за херојот Стојменски.

Од различни организации и институции беа положени букети свежо цвеќе од делегации по што беше посетена спомен плочата пред медицински центар во Штип како и спомен куќата каде народниот херој живеел.

Делегација на Општина Штип составена од неколку советници присуствуваше на настанот и положи цвеќе пред бистата на херојот Славчо Стојменски.