Заврши првиот уписен рок на сите Универзитети во Македонија. На петте државни универзитети слободни се вкупно 27.046 слободни места  а од нив, 16.089 се за редовни студенти во државна квота, 7.305 за редовни со кофинансирање и 3.652 места за вонредни студенти.

*   *   *

На Универзитетот „Гоце Делчев“ во Штип има 5.823 слободни места за запишување на студенти во прв циклус на студиските програми во учебната 2010/2011 година.

Според информациите од портпаролот на УГД, Кирил Барбареев во текот на двата дена се пријавиле 2350 бруцоши.

Прелиминарните резултати ќе бидат познати веќе во четврток, а официјалните на 26 август. Запишувањето на примените кандидати ќе се врши на 30 и 31 август

Кандидатите од сите средни училишта во Македонија имаа можност да конкурираат за запишување на еден од 13-те факултети и повеќе од 90 студиски програми при Универзитетот „Гоце Делчев“.

Вториот уписен рок е на 2 и 3 септември а третиот (последниот) на 16 септември.

По првиот уписен рок, на веб сајтот на УГД веќе се подготвува и електронска база на податоци за новите бруцоши.

Повеќе информации на: www.ugd.edu.mk