Одржана е 7-та седница на Комисијата за образование. На седницата на дневен ред беа пет точки. Се разгледуваа извештаите за работата на основните училишта.

Членовите на комисијата ги прифатија извештаите на ОУ „Димитар Влахов“ и ОУ„Тошо Арсов“ за учебната 2009/2010 година, додека извештајот за работата на ОУ„Ванчо Прке“ е оставен за разгледување на наредната седница на комисијата.

Комисијата ја одби молбата на Ивана Богданова за финансиска подршка за учество во интернационален проект за размена на студенти и барањето на Стојанов Тодор за финансиска помош за патување во Кина на докторски студии, бидејќи комисијата не донесува одлуки за финансирање од ваков тип.