Во рамките на петото коло од првата Македонска фудбалска лига, штипска Брегалница доживеа уште еден пораз.

На градскиот стадион во Штип, ФК Брегалница пред домашната публика беше совладана од екипата на Работнички со 0 : 2. Натпреварот ќе остане забележан по неколку спорни моменти кои вклучуваат недосуден пенал за штипските сини во првото полувреме и сомнителниот втор гол на гостите кој според многумина беше постигнат од офсајд позиција.

Без оглед на се, ова е четврти пораз на ФК Брегалница, заради што останува на претпоследната позиција на табелата со само 3 бода. Идната сабота ФК Брегалница му гостува на Металург а на средината од септември повторно на домашен терен ја пречекува екипата на Силекс.