Советодавната Граѓанска Група на ОБСЕ ( Општина Штип и Општина Карбинци) денес одржa седница на СГГ на општините Штип и Карбинци. На седницата тема на разговор беше „Превенција за заштита од злоупотреба на дрога“. На средбата беше направена презентација на програмата за “Превенција за заштита од злоупотреба на Дрога” и  “Превенција за заштита од трговија со деца ”.

По ова уследи дебата околу можните насоки на едукативните предавања на овие теми низ основните училишта во двете општини. Секторот за превенција при СВР-Штип подготви нов проект кој се однесува на едукативно-превентивни кампањи за учениците од седмо и смо одделение. Предмет на дебата беше начинот на реализирање на едукативните предавања не само во Штип и Карбинци, туку и пошироко.

Советодавната Граѓанска Група на ОБСЕ е тело од мултисекторски карактер,формирано со цел да детектира, иницира и предлага решенија за локални и регионални предизвици и потреби, во рамките на можностите и преку продлабочена меѓуинституционална акција и во соработка со цивилниот сектор.