Уште едно тешко гостување за штипска Брегалница. Во рамките на осмото коло од првата македонска фудбалска лига, ФК Ренова ја совлада ФК Брегалница 2008 со 2:0. Со тоа, штипската екипа се уште останува со само 4 бода а зад нив е само уште екипата на Вардар која по поразот од Шкендија останува на последното 12-то место.

Ако е некаква утеха, Брегалница е пред Вардар, на претпоследната позиција.

Ова се резултатите од преостанатите средби во 8-то коло:

Пелистер-Металург 0:0

Силекс-Работнички 2:0

Вардар-Шкендија 0:2

Скопје-Напредок 1:0

Хоризонт Турнјово-Тетекс 1:0

На табелата прва е екипата на Хоризонт-Турново со 16 бода, исто толку има Металург кој е втор а на трето место е Ренова со 15 бода.

Идната сабота ФК Брегалница ја очекува уште еден тежок дуел. На домашен терен, на градскиот стадион во Штип во рамките на 9-тото коло го пречекува актуелниот лидер на табелата Хоризонт-Турново.