Денес се одржа седница на Комисијата за образование на чиј дневен ред беа 9 точки.
Комисијата го прифати извештајот за воспитно – образовната работа на СОУ Гимназија „Славчо Стојменски“ – Штип за учебната 2009/2010 година, вклучувајќи ја и програмата за за воспитно – образовната работа на гимназијата за учебната 2010/2011 година.

Прифатени беа и годишните извештаи за работата на преостанатите средни училишта,  „Димитар Мирасчиев“ и „Јане Сандански“за учебната 2009/2010 година вклучително и

годишната програма за работа за учебната 2010/2011 година.

Комисијата не го прифати само извештајот за работата и програмата за оваа година за СОУ„Коле Нехтенин“ , но остави простор преку дискусија на седница на Советот да се усвојат овие два извештаја.

Членовите на Комисијата дискутираа и по барањето од КУД „Ристо Донев“ за одредување на просторија за одржување на проби. Донесен е заклучок да се побара мислење од ООУ „Ванчо Прке“ и од гимназијата „Славчо Стојменски“ за тоа колку нивните капацитети (сали) можат да помогнат во избор на локација за одржување на проби.