Десетото коло во Првата македонска фудбалска лига донесе нови 3 бода за штипските сини. Во драматична средба на гостувањето во Скопје, во која Брегалница поведе со 1:0 па Вардар израмни на 1:1, во 92-та минута беше поставен конечниот резултат од 2:1 за Брегалница. Со овој пораз, скопски Вардар останува длабоко на дното на табелата на последното 12-то место.

Брегалница сега има 10 бода и се наоѓа на 10-тото место. Следните две средби ФК Брегалница ги игра на домашен терен, што остава поголема шанса за извојување на нови победи. На 23-ти октомври ги пречекуваме фудбалерите на Скопје а една недела подоцна и Напредок. Доколку успееме да стигнеме до победа, тогаш и распоредот на табелата ќе биде многу поповолен за штипските сини.

Ова се резултатите од 10-тото коло:

Напредoк - Шкендија 1:1

Пелистер - Силекс 1:3

Вардар - Брегалница 1:2

Хоризонт Турново - Работнички 0:2

Ренова - Металург 1:0

Скопје - Тетекс 1:0

Ова е изгледот на табелата по одиграното 10-то коло: