По повод Денот на ослободувањето на Штип, 8-ми ноември, беа одржани низа настани. Согласно програмата, прво беше положено свежо свеќе на споменикот на Револуцијата на градскиот Исар а централниот настан започна во 11:00 часот. Беше одржана свечена седница на Советот на која беа промовирани добитниците на традиционалните 8-мо ноемвриски признанија.

На прусутните им се обрати градоначалникот на Штип, д-р Зоран Алексов кој презентираше историски факти за ослободувањето на Штип:

-На денешен ден во 1944 година, штипјани со броба ги уништија окупаторите и храбро се оттргнаа од обрачите на теророт за да ја одбранат слободата. 66-годишната слобода над нашите глави е резултат на огромните напори на победоносните броци од 13-тата, 14-тата и 19-тата бригаа на 50-тата дивизија и 21-та бригада на 51-та дивизија-изјави градоначалникот Алексов.

Тој во своето обраќање пред присутните се задржа на конкретните проекти од својот досегашен мандат, но и на идните активности кои треба да ја променат сликата на градот. Тука пред се бече напоменат проектот за реконструкција на централното градско подрачје кое опфаќа уредување на коритото на реката Отиња, уредување на улицата „Ванчо Прке“ во пешачка зона како и реконструкција на градскиот плоштад.

Потоа од страна на Претседателката на Општинскиот Совет, Сузана Николовска беа прогласени годинашниве добитници на 8-мо ноемвриските признанија. Тоа се: Зоран Трајков (сопственик на фирмата Еко Солар), Заедницата на Хрватите во Македонија, средното општинско училиште „Коле Нехтенин„ и Заводот Музеј-Штип.