Општина Штип ја спроведе успешно шестата по ред акција „Ден на дрвото“. Изминатите акции покажаа дека постои интерес кај граѓаните за пошумување на голините околу градот. Во Штип, во 6-тата акција беа засадени нови садници на површина од околу 46 хектари.

Пошумувањето се изврши кај регионалниот пат Велес – Радовиш однос кај месноста Калимерово а во акцијата беа засадени два типа на дрва: аризонски чемпрес кој е претставен контејнерски, значи со заштитен коренски систем и црн бор со гол корен.

При тоа, најголем дел беа обврска на Општина Штип (35 хектари) и истите беа засадени со садници од вработените во локалната самоуправа и од институциите кои се во нејзина надлежност.

Во акцијата учествуваше и Универзитетот „Гоце Делчев“ кој на планината Плачковица, близу арехолошкиот локалитет Баргала пошуми место со површина од 5.5 хектари наречено „Универзитетска шума“ и тука беа засадени садници со листопадни дрва.

И шумското стопанство Серта беше дел од оваа 6-та акција при што засади садници во месноста Кавакалија кај Криви Дол на површина од 5 хектари.

Во акцијата учество земаа вработените во локалната самоуправа, ученици од средните училишта, НУ Библотека „Гоце Делчев“, КПУ Затвор – Штип, СВР Штип, АРМ, Универзитетот Гоце Делчев (пошумување на локација Универзитетска шума), НВО, граѓани на Штип, итната медицинска помош и други.

Учениците од основните школи имаа сопствени активности кои се состоеја во пошумување на сопствените училишни дворови со листопадни садници од акцијата а детските градинки добија декоративни садници давајќи го својот удел во акцијата Засади ја својата иднина.