Делегација на Македонци од Пустец (Албанија) остварија средба со градоначалникот на Штип, д-р Зоран Алексов. Делегацијата ја сочинуваа Ефтим Митревски (уредник на весникот „Преспа“) и Спасе Мазенковски - новинар од Албанија. На средбата присуствуваше и Јордан Тунев, претседател на здружениеот „Македонски Егеј“ кое воспостави поблиска соработка со Македонците од Пустец.

На средбата се разговараше за можната соработка но и за евентуална помош која Општина Штип може да им ја понуди на Македонците од Пустец. Беше посочено дека состојбата на Македонците не е иделана и дека се во контиунирана битка за зачувување на својот идентитет бидејќи се соочуваат со негирање:

- Имаме големи проблеми бидејќи знаете како сме претставени ние како Македонци таму - изјави Митревски кој напомена дека мора да се подобрат условите за живот на Македонците од оваа Општина во Албанија.

Според укажаното, за нив е од особена важност на претстојниот попис да успеат да се регистрираат како Македонци:

- Ова здружение од поодамна остварува соработка со Македонците од Пустец и знаеме какви се условите заради што сакаме да им помогнеме - изјави Тунев од „Македонски Егеј“.

Градоначалникот Алексов вети помош за општината во текот на 2011 година, која ќе биде насочена материјално или финансиски за издавање на весникот „Преспа“.