Согласно упатствата на Министерството за здравство за користење на поголеми колични на вода заради летните горештини, Општина Штип ги известува граѓаните дека ЈП „Исар“ ги стави во функција јавните чешми долж текот на реката Отиња.

- Kај крстосницата кај Суитлакот (кај слаткарницата)

- Спроти Здравствен дом

- Трговски центар (кај такси постојката)

- Близу плоштад (спроти УНИ банка)

- На градскиот плоштад

Ги информираме граѓаните дека ова е вода од водоводната мрежа, бактериолошки и хемиски исправна, заради што истата може слободно да се користи, за разлика од водата во природните чешми за која нема гаранција и Општината не гарантира во случај на конзумирање.

Воедно, упатуваме апел до граѓаните водата од јавните чешми да ја користат рационално, да ја штедат, и да не вршат оштетување на славините или пак намерно пуштање на водата да тече без потреба за тоа. Ставањето на јавните чешми е во функција на потребите на граѓаните и тие треба први да се грижат за нивната исправност и функционалност. Водата може да се користи за разладување на високите темперетури но не и да се расфрла со оглед на тоа што производството на вода е скапа работа.