Дека не е потребно само да се направи, туку дека тоа треба и квалитетно да биде рализирано, знаат сите. Но, на штипјани им беше познат проблемот со испакнатите бехатон плочки на тротоарите во центарот на Штип, посебно на улицата „Кеј Маршал Тито“ и „Васил Главинов“ долж коритото на река Отиња.

Со тек на времето, корените од дрвата ги подигнаа плочките што резултираше со подигнување на тротоарите околу самите дрвја. На овој начин, посебно навечер тротоарите беа опасни за пешаците.

Од тие причини ЈП „Штип - проект“ презеде активности со кои квалитетно ќе се уредат тротоарите и се отстранија испакнатините околу дрворедите.

Во текот на изминатите две недели екипи на ова ЈП работеа на отстранување и нивелирање на тротоарите со цел порамнување на тротоарските површини и нивно прилагодување на потребите на пешаците, при што тротоарите се поправени и безбедни за движење на пешаците.