Вчера истече рокот за соработка и предлагање на имиња на штипјани кои во изминатиот период придонеле за промоција на Штип и оставиле печат во животот на градот, а кои ќе влезат во пошироката листа на кандидати за наградата „19-ти декември“.

По утврдување на листата на кандидати, градоначалникот на Штип, д-р Зоран Алексов во соработка со членовите на неговиот кабинет ќе направи селекција по што ќе бидат избрани десетемина штипјани кои ќе ги понесат наградите „19-ти декември“.

Медиумските куќи можеа да предлагаат неколку имиња за награда, со оглед на бројот од 10-тмина наградени а Градоначалникот со соработниците ќе ја утврди конечната листа на добитници. И годинава ќе биде доделен орденот „Свети Никола“ по трет пат. Прв добитник беше Архиепископот на МП, г.г Стефан а лани кардиологот Сашко Кедев.