Бидејќи со раѓањето Христово како свет чин се исполни надежта на родот човечки и се потврдија љубовта, вербата и добрината како основни принципи на животот, во пресрет на големиот христијански празник Божиќ, од мое лично име и од име на Општина Штип, Ви упатувам искрени честитки со желби овоплотувањето на Синот Божји да ни подари милост, љубов и соживот за сите, затоа што преку Божиќ се празнува спасението.

Благословен е секој оној кој го следи богоугодниот пат на живот во кој соработката, заедништвото, човекољубието, толеранцијата и создавање на добри дела се наши насочувачи. А Божиќ е празникот кој постојано нè просветлува, нè потсетува и насочува, да ја негуваме, унапредуваме и удвојуваме нашата верба во овие вредности.

Христос се роди!
Честит Божиќ!

Срдечно,
Општина Штип
Градоначалник
д-р Зоран Алексов