Легализацијата на дивоградбите согласно Законот за легализација на бесправно изградени објекти во Штип се одвива без проблеми. И покрај ниските темперетури и снегот, комисиите се на терен со цел спроведување на постапките за легализација.

На почетокот на декември 2011 година беа издадени 620 правосилни решенија за легализација, додека по два месеца од последната статистичка анализа, бројот на издадени решенија е речиси двојно зголемен, односно до денес изнесува приближно 1200.

Заклучно јануари, 2012 година, 118 лица склучиле договор за одложено плаќање на надоместокот за утврдување правен статус што е 9.9% од вкупниот број на баратели кои добиле решение за утврдување правен статус.

Вкупно примени барања за утврдување правен статус на бесправно изградени објекти	10467
Барања поднесени од физички лица	9983	95%
Барања поднесени од правни лица	484	5%
Прекинати постапки поради недостаток на барање (недостаток од елаборат, копија од лична карта и сл.)	6857	65.5%
Извршен увид на на самото место	3560	34%
Издадени правосилни решенија	1182	11.3%