На ден 22.02.2012 година во малата сала на советот на Општина Штип, со почеток во 11:00 часот ќе се изврши презентација на Студијата за оцената на влијанието врз животната средина и Инвестиционо техничката документација  за автопатско решение на Магистралниот пат М – 5, делница:Граница со Р. Бугарија – Делчево – Кочани – Штип – Велес (Отавица).

Станува збор за учество на јавна презентација на проектна инфраструктура на автопатно решение на Магистрален пат М – 5. Станува збор за патен правец кој е многу значаен за поврзување на источниот со западниот дел на Македонија. Основата на овој проект е во рамките на Пан-Европските транспортни коридори во кој клучни фактори се: екстерно поврзување на Македонија со соседните земји, интерно поврзување на истокот со другите региони, зацврстување на националната економија, подобрување на условите за живеење и можност за развој на туризам.

Проектот предвидува изградба на современ пат со четири ленти , по две во секоја насока, а студијата се занимава и со ефектите на изградбата врз животната средина.