Почитувани,

Дозволете ми од лично име и од име на Општина Штип да Ви го честитам христијанскиот празник. Свети Трифун. Неговата историја е вкоренета во нашата црква, кога со генерации се крштевала „Трипунска вода“ за која се верувало дека ги штити лозјата и градините од разни штети и несреќи и дека истата ќе им донесе бериќет и плодоносна година на лозарите и градинарите.

Ова е време кога преку кроењето на младите лозови гранки, не само што ја обновуваме нашата вера и нашата традиција, туку се поврзуваме како луѓе за заедничко општествено добро.

Легендата вели дека Свети Трифун го разделил своето богатство на сиромашните и живеел скромен живот во неговото родно село во Фригија. Бил погубен, но не отстапил од својата вера, од вербата во бога и од луѓето за кои правел добри дела сиот свој живот. Свети Трифун е токму една од богатите традиции која продолжува со несмален интензитет да ги обединува прво лозарите и овоштарите, но многу подлабоко да создава врски помеѓу луѓето и да го продлабочува убавиот збор и пријателство.

За многу години сограѓани,

Градоначалник на Штип
д-р Зоран Алексов