Почитувани сограѓани,

драги Македонци, драги штипјани,

19-годишното зацврстување на самостојноста и суверенитетот на Република Македонија, денес е голем повод за упатување честитки кон сите вас како македонски граѓани.

За таа цел, во мое лично име и во име на Општина Штип, со гордост ви го честитам Денот на независноста, сакајќи да го потенцирам заедништвото  со кое пред 19 години ја потврдивме нашата волја за самостојна, независна и суверена држава, со тенденција заеднички да ја градиме да биде самоодржлива и демократска, промовирајќи ги принципите на современиот свет.

Ова што е изградено и што денес го имаме е Македонија! Ова е нашиот живот, стремежот на нашите предци и аманетот за идните генерации! Ова е доказ дека можеме и знаеме да се обединиме кога е прашање Македонија без оглед на етничката, верската или партиската припадност.

Затоа, до целото наше штипско мултиетничко општество, до сите свои сограѓани, упатувам честитки и искрени желби за мир, благосостојба, просперитет, подобра иднина и лична среќа.

Честит празник, Македонци!

Нека ни е вечна Македонија!

Градоначалник

на Општина Штип,

д-р Зоран Алексов