Излезе од печат петиот број на Општинскиот гласник „Мозаик“. Во петото издание се поместени неколку теми кои изминатиот период беа доминантни во Штип од аспект на активностите на локалната самоуправа.

Воведната колумна е на советникот Бојан Кереместевски а во останатиот дел се поместени теми за евиденција на дивоградбите, за новата учебна година, за отворените фудбалски школи, за новата еко-кампања на Општина Штип и друго.

Општинскиот гласник „Мозаик“ излезе како подлисток на месечникот „Штипски глас“.