Се известуваат граѓаните на Општина Штип дека на ден 3 октомври 2010 (недела) во периодот од 7 до 19 часот, сообраќајот кај крстосницата „Пролет“, на улиците „Генерал Михајло Апостолски“, „Суитлак“ и „Тодор Коларов“ ќе се одвива во отежнати услови.

Поради прклучување на фекалната канализација која води кон месноста СуитлаК, сообраќајот ќе се одвива отежнато, заради што упатуваме апел до сите возачи и граѓани за трпеливост и внимание со цел избегнување на можни последици.

Приклучувањето на фекалната канализација за жителите од месноста Суитлак е од голема важност, заради што однапред им се извинуваме на граѓаните за отежнатиот сообраќај на посочените улици.