Градоначалникот на Општина Штип, д-р Зоран Алексов ги повикува медиумите во Штип од денес до 15-ти Ноември 2010 да достават предлог-кандидати за наградата 19-ти Декември.

Минатата година за прв пат беше организирана прослава по повод патронот на град Штип, Свети Никола кој се одбележа на 19-ти декември. И тогаш беше побарано новинарите да дадат свои предлози а конечниот избор го направи Градоначалникот Алексов.

И оваа година, медиумите од Штип ќе имаат можност да доставуваат предлози за кандидати кои би ги добиле признанијата по повод 19-ти декември.

Предлозите штипските редакции треба да ги испраќаат на е-маил адреса: Оваа е-пошта е заштитена од spambots, треба да вклучите JavaScript за да ја видите , со назнака „ПРЕДЛОГ КАНДИДАТИ ЗА ПРИЗНАНИЕ 19-ТИ ДЕКЕМВРИ“.

Од практични причини им се советува на редакциите да доставуваат максимум по 3 имиња на кандидати. По 15-ти Ноември, Градоначалникот ќе одлучи кои ќе бидат 10-те штипјани кои ќе ги добијат годинашниве признанија по повод патронот на градот Свети Никола кој ќе се одбележи на 19-ти декември.