Како дел од проектот “Дрогата - убиец на младите” кој го реализира одделението за превенција при СВР-Штип во соработка со Општина Штип во саботата во СОУ Коле Нехтенин се одиграа спортски натпревари во мал фудбал помеѓу екипи на ученици од основните училишта во Штип.

Победничката екипа симболично од градоначалникот на Штип, д-р Зоран Алексов доби подарок за освојување на првото место со признание за учеството во проектот “Дрогата - убиец на младите”. Најдобра беше екипата на ОУ Димитар Влахов, додека пред една недела, во рамките на натпреварите за средните училишта, најдобра беше екипата на СОУ Коле Нехтенин.

Станува збор за проект кој го спроведува Одделението за превенција при СВР-Штип под мотото “Животот е 1 - Дрогата е 0”. Проектот е со подршка и на Центарот за социјални работи, образовните институции, здравствените работници и други и истиот започна во ноември 2009 и се одвиваше во неколку фази.